24-28June2016 DAY 1 新加坡親子遊 NIGHT SAFARI

DAY 1 Hong Kong > Singapore > Safari

智智兩歲半, 思妤一歲半
第一次帶小朋友去旅行真係好緊張
最怕係飛機上會唔適應大喊
不過實際上飛機升降都無喊
原來要氹得最耐o既係要扣安全帶坐定

思妤因為BB抱住冇咩問題仲要自己扣個安全帶

智智平時好少自己坐一個位就要花d時間安撫

要不斷話要飛左上天空先可以除安全帶

首爾十月楓葉之旅 day 2 - 昌德宮-北村韓屋村-東大門-鷺梁津水產市場

早餐必食店 - ISAAC TOAST

澳門都有分店, 其實w30000 黎講真算係好大份

一人拎住一份就要出發今日行程... 我發覺只有香港先會匆忙到邊行邊食..

第一次去韓國覺得點都要去一去觀光景點, 不只是去買買吃

雖然首爾塔是韓國地標, 但時常去旅行去完望塔就覺得好無聊

所以揀左一日去睇睇韓國世界遺產的昌德宮後苑

去到安國站3號出口直行就會見到現代 

開始見到楓葉, 好靚

沒有去景福宮因為實在太大不想行太多路就去左皇宮的後花園-昌德宮又稱秘苑

後苑并不是話入就入的,因為規定一定要在特別的時刻跟著導覽員先可以入

所以旅行一個月前已經網上BOOK左導賞團, 但韓國地鐵真係轉線已經要行好多路

我地好意外地遲左10分鐘錯過左.... 好彩walk in都可以買票入, 最後由10點半改為12點半入去參觀

呢2小時就轉左去隔離行韓屋村, 韓屋村有8大check point

我發現周圍都有information center真係好好, 去到一定要入一入去拎份地圖

有晒路線話你知呢8點係邊, 我地去左最靚個6點冇影晒咁多個point

周圍都有好多韓服體驗, 呢到就好似現代與古代結合咁

山上就係古代韓屋, 望落去山下就係現代城市, cafe boutique樣樣有

韓屋村個到有間安國醬油蟹, 個個都話好食, 而個人覺得好似食緊jelly咁, 每人一set平均$350一個

12點半, 我地係時候返返去昌德宮 

要去昌德宮後苑就要由正門入到最入join導嘗團

原來單單一個秘苑都可以咁大, 跟住導遊行左個半鍾

開始見到有棵盛紅ge紅葉, 真係好靚, 相信11月頭呢到風景會更靚

行左好耐, 最後真的太累要返東大門休息休息再出去食飯

返酒店前去REMICONE 食烏雲雪糕, 真係要必食

就咁睇以為得個樣, 原來個雪糕底係咁好食, 好香牛乳味

休息兩小時我地又出發去遠少少 鷺梁津水產市場

一去到其實大家都唔知頭唔知路問左幾間格左價

知道大約價錢就每樣講少少價, 其實都好平

長腳蟹 + 鮑魚4隻 + 虎蝦2隻 + 扇貝 8隻 + 生勾勾八爪魚 = HKD 250

之後佢會帶你上餐廳問你點煮, 好後悔扇貝叫佢烤左, 縮左水

其實我都好期待試下生八爪魚咩感覺

原來食落去個時會吸住你個咀, 好過癮, 好食

首爾十月楓葉之旅 day 1 - 新村-弘大

第二次坐零晨機真的很累, 但也是可以在day 1有多點時間的好處

7點半到達仁川機場, 本來已經search好坐6002/6015 可以到達東大門
最後因為問左站長叔叔, 我地變左坐一架w14000 巴士, 好似貴廿蚊

9點左右已經可以去到東大門間酒店放低行李, 3點先可以check in
就即刻出發今日行程 ----- 新村

東大門 15分鐘地鐵就到, 11:30去到已經有人排緊隊

12點開門, 新村站著燒烤肉, 就是我們四天的早餐

真係好好食, 由其是醬汁, 到最後一天我們還是在回味著..

但上網睇過牛肉好似係黎至澳州 (唔知係唔係真)

因為個個都企係到燒, 其實好快食完就會自自然然咁走

食完就去隔離個站 弘大

我地特登揀星期六去, 因為星期六先有free market

原來free market都係學生用自己創意整野出黎賣

好多人.... 亦都好多野行, 就係一個弘大已經行到我地筋疲力竭....

花B仔在澳門的一星期

第一日返到澳門晚上, 簡直係喊到停唔到口

我諗住因為去到一個陌生環境, 而且冇左自己張床D味

抱左成晚, 但我地堅持唔會俾BB同大人同床,

經過2日, 花B仔終於熟左自己張床, 乖乖地聽話

雖然只係返左黎7日,

但花B已經有日夜癲倒既感覺

因為澳門屋企太靜而且陽光俾棟樓遮晒

之前香港戒夜奶行動都破左功

點解夜媽媽仲可以眼仔碌碌架....

生活習慣真係好重要! 影響太大!

B仔開始表情多多, 

平時為左即時捕足到D表情都係用手提話細機映佢,

有一日拎左部大機出黎對住映,

一望到部機, 花B仔即時露出呢個樣, 笑死我地!

真係好有諧星天份...

呢D 射黎射去既眼神一定係跟花爸學...

有時好得意, 有時真係好樣衰 

串得佢.. 好似好多野想講咁...

BB變樣真係變得好快
我由岩岩做新手媽媽覺得好討厭
到依定自己一個做全職媽媽開始有感情
自己一個湊好吃力滿足感又未到好大
但可以睇住一個小朋友成長真係要好好珍惜呢段日子

產後仍記得BB在胎中的聲音

第1晚返到澳門, 黎到一個唔熟悉既環境

平時夜晚訓得好好既BB 今日係咁紐計

有時忍心D真係有用, BB好明顯好中意大人床,

但我地冇俾佢訓.. 最終成功左熟悉澳門張BB床

係唔係個個B都會特定某D時間喊下想人抱架呢~

每晚8,9點就係要人抱GE時間, 

搞到連自己私人時間都冇埋.. 

之後Fa BABA突發奇想:

記得懷孕時我地日日同BB傾計胎教

又成日都聽EASON, 去埋演唱會, 特別中意沙龍呢首歌

仲拍左段胎動既VIDEO

20’ ＆ 45’ 個2part 拍子感好準,

一路聽一路跟BEAT踢

今晚當花B仔係咁喊唔停個時我地播沙龍佢聽

佢好似真係記得咁, 望住I PAD方向, 

估唔到同一個副歌 " 留住溫度速度 溫柔和憤怒..."

即刻唔喊, HOLD住一分鐘, 到音樂即喊

證明當時胎教真係有用架..

花B仔聽完個樣好似去完演唱會咁..哈哈