5 WKS 孕之初體驗

25 JAN 2013

當晚心血來潮見屋企有支棒棒就拎黎試下佢.... 點知!!! 是有2條線, 其中一條是淺線!

我就是不敢相信~ 我即刻俾老公睇, 佢個反應好似我吹水玩野咁.. 

當晚我地都各自懷著緊張的心情訓覺,第2朝居然大家無約定都6點起左身...

哈哈真係返工都唔見我地咁勤力 ... 等到9點即刻落街食早餐即刻飛奔去買電子證實呢個事實  

當我俾支野老公睇個時, 佢冇出聲幾秒, 仲係咁陰笑... XD

26 JAN 2013

當日我地都一齊返香港食團年飯, 我地都好想快D講俾屋企人知

2個人好似傻仔咁回港途中係咁講將來... 

我問老公: 點解你冇咩反應GE... 佢答我: 係咪要好似電視咁大叫 「我就黎做爸爸喇」= =

個刻我真係好想打佢, 周不時都見佢係到偷笑, 真係好樣衰 XD

27 JAN 2013

忍左成2日, 起身即刻落樓下睇醫生, 拎左2封信就可以去醫院預約了~

確定左當然第1時間返屋企同屋企人講: 我岩岩去左睇醫生,我地有喜啊! ( 諗返點解我可以講得咁老土)

佢地各自講恭喜左我一句, 大家都好開心!!

其實呢個月真係有幾個人發夢有預感我會BINGO,第一個係老公..

佢話發夢見到 (我個時仲話佢: 係咪你太想有咋,,, 唔會啦)

其餘2個係阿妹同朋友, 當時大家仲取笑個朋友發咩D咁GE夢 HA唔通呢D就係第6感....